Solkroppar

Reiste eg gjorde til sydlege land

veirsjuk av skodda på heimlege strand

Møtte so folket med stjerner i blikk

 lynvindar skjenka meg kjølande drikk

Kvit som eit laken eg var då eg kom

Sveitten han sildra i senga som flom

Anden han teva som blåsten i belg

hjartet det hamra av ørken i svelg

Surra og grilla eg sløva i sol

Kroppen min gløda til hanane gol

Kongeleg frotsing av bugnande fat

knollen min tyktest so hjelpelaust lat

Lettkledde damer gav tankar i spinn

Nakne på stranda med bh-ar stinn

Gamalmanns tankar av nygrilla gris

Evneveik sleipe skolv munnen av glis

Kjølande handkle det gjorde meg godt

Fargerik hulder kom spradande brått

Gange so edel eit hildrande syn

jorda eg trefte som råka av lyn

Dronningar strøymde or eldgamal borg

Tankar om nakendom aldri ei sorg

Fargar og silke som kjølte ein kropp

himmelske drakter gav hjartet mitt hopp

Borte vart synet og att stod eg matt

Varmsvidde viking med kulde kvar natt

Kaldsleg i hugen som fjell ut av grus

tankar og tru som ei ørlita mus

Minna dei lyser frå brennande strand

venskap og truskap frå venleg ei hand

Tankar eg sender til kjærlege fjes

Små er nok kongar på heimlege nes

Tekst og foto G.Skaar