Lokkande kvinne

Brått lyste dagen so fager
eg såg gjennom skodda den grå

Der dansa ei jente so mager

på kvelven av himmelen blå

Langs irrgrøne solrike dalar
ho gløda av eggande lyst
Mot himmelens evige salar

ho dirra med struttande bryst

Eg gyste av skjelving den stunda

og kjenslene brann som ei glo

Eg glana og vakta og grunda
då brått ho ved bringa mi stod

Ho lokka i dansen med handa

mot eden vi svinga  oss flott

I øsande latter vi landa

då leiken han falma so brått

Av skodde ho slokna i sinnet

og einsam på jord stod eg att

Pass tanken for lokkande kvinne

ho tryllar deg tagal og matt

Tekst og foto 
G.Skaar