Ei spyfluge surra i solvarmen god
ho vakna frå søvnen bak lista
Ho vandra so stasleg i fiffige sko
med ego ein tru skulle brista
Til selskap ho samla ein svermande hop
i solveggen sat dei og skratta
Dei summa so sæle i prisande rop
for spyfluga kjærast dei skatta
Den nyglødde hæren gav sjefsfluga fart
til vårdagar stråla av lukke
Men honning og gilde dei ramma so hardt
og brått byrja hopen å sukke
Når dagane mørkna sat flugene fast
og vinteren ramma dei alle
Og spyfluga rømde av ilande hast
såg verdskartet smuldrande skalle
Men fluga den lure med tankane klår
ho plystrar i bekande mørke
Då andre sit klistra i spyflugesår
ho smilet om munnen kan tørke
Tekst og foto
G.Skaar
Ingen kommentarer:
Legg inn en kommentar