Folket rømer mosegardar
Dauden vaknar kald og grå
Dulde minner engleskarar
Morknar blaute i ei krå
Regnvèrskåte vilskne hundar
Ormande med òpe gap
Seinhaustkvelden aldri blundar
Sikleråket munnar drap
Sopelimar nakne leikar
Himmelsyne tevar vått
Skoddekallar hyttar peikar
Fossegrimen skrålar lått
Slåttetonar fela lokkar
Avgrunnsanden kallar bot
Djevlemyra dissar rokkar
Gråsteinshamrar spøkjer mot
Genesis frå kvite salar
Helvetsakta snøen får
Vintersøvn i stille dalar
Silkedyner varmt til vår
Genesis frå kvite salar
Helvetsakta snøen får
Vintersøvn i stille dalar
Silkedyner varmt til vår
Tekst og foto
G.Skaar
Ingen kommentarer:
Legg inn en kommentar