I Kråa

Eg finn meg ei krå i den solvarme veggen

i selskap med fluger som dansar so kåt

Eg brettar so buksa til langt opp på leggen

og plystrar ein lystige 70-tals-låt

Han Kristen har lova at sola skal skine

og dagar vert varme og himmelen blå

Eg myser mot sola bak solbriller fine

og tenkjer på fjellet med kribling i tå

Frå bøen det brækar av glade små dottar

dei skvett i mot lyset i livsglade hopp

Til hausten dei angar av saftige skrottar

ja lammelår pirrar min sanslege kropp

Eg gløttar til kjuklingar gule i karmen

ein kvikklunsj meg freistar til drikke frå kjøl

I fjeset renn sveitten frå glødande varmen

på tunet renn tèlen til elvar og pøl

Den blankstille fjorden søv bada i glansen

av sagtagga toppar med snø frå i fjor

Og kjøtmeisa kallar frå bjørka til Hansen

ho våryr no lokkar sin make til bord

Ja våren er gleda for livet å skode

eg lukkar mitt auge i kråa mot kveld

Ein tanke eg sender av salige nåde

til dagar og lyster og kjensler av eld

Tekst og foto

G.Skaar