Sat eg på skuldra di såg eg til byn
slik som eg gjorde som liten
Dagar var unge og somrar eit syn
aldri eg kjende meg sliten
Frostroser smykka mi glasrute klar
røyken frå pipa den dansa
Fuglane hoppa på matfatet snar
storvokste augene sansa
Lengten til våren var aldri so sterk
snørike vintrane trygge
Kulden gav aldri ein kroppslege verk
kjærlege dagar til hygge
kjærlege dagar til hygge
Gåver i livet vert sende oss gildt
tider som var og som ender
Gleda er stor når du kysser meg stilt
varme i lækjande hender
Dagar eg skodar frå gro og til sist
audmjuk eg livet skal lova
Ungdomens bjørk er mi skulder so visst
saman til vår vil vi sova
Dagar eg skodar frå gro og til sist
audmjuk eg livet skal lova
Ungdomens bjørk er mi skulder so visst
saman til vår vil vi sova
Tekst og foto
G.Skaar
G.Skaar
Ingen kommentarer:
Legg inn en kommentar