Minne om jul


Kveldsola dansar i raudlète smil
på prektige øyar og dalar
Og heilage stjerner frå tusande mil
finn jorda frå himmelske salar

Stille sit kallen og ser frå sitt glas
at mørket sig sakte rundt nòva
Med minnene mange frå høgtid og stas
og kona som stelte i stova

Einsam i skuggen av knitrande eld
han skjenkjer seg kaffi frå kanna
Og trufast i handa han Bibelen held
den himmelske mektige manna

Han myser mot sola som dormar i hav
den livgjevne glitrande sæla
Og tenkjer på livet som kravde og gav
han dagane mødesamt træla

Ja, livet er morgon og åra vart natt
ei stråle av sola tok ende
Den gråstenkte kallen bar livet sin skatt
som dagar av sola han sende

Tekst og foto
G.Skaar


Stormhyl


Raudiltre kjerringa flengjer mitt syn
stormhyla gneldrar i møte
Klistra og fanga i glødande lyn
borte er solstrålar søte

Kall på meg kjære og syng i min draum
vårdagar linne av sødme
Hildringar varme som tørkar opp flaum
skjelvande kåtskap i rødme

Roser i sommarsol blonder i vind
blomebrud lyser i natta
Kjærleikens vindar gjer mennesker blind
kjenslene djupe og skatta

Tekst og foto
G.Skaar 

Jesus og tykjen si mor


Ein regntunge tur ut til havet i vest
gav syner forunt både lensmann og prest
Den heilaga dagen i tia mot jul
gav englar som dala frå himmel i skjul 

Blant røter av ròte so daude av liv
frå visnande haustløv og leikande siv
sprang fargar av lyset meg lukst midt i mot
det var som om Jesus var vakna på rot

Om jorda vår kokar av terror og naud
sprang Jesus frå blomen so tindrande raud
Ja håpet det lever so visst i ditt sinn
om dagar er mørke og tidene svinn

Turen til havet gav tanken min klår 
 kjærleik skal blomstre der vondskapen rår 
Og flyktningar glitre av voksteren stor
om Listhaug er tykjen si nedrige mor

Tekst og foto
G.Skaar

Dansen på roser


Besta ho lærde oss dansen på roser
livet var solstrålar dagane lang
Preika den fekk vi i daglege doser
glade vi bøane barndomen sprang

Snillare kvinne enn besta på Tunet
aldri eg møtte på livsdagen lang
Øyra på stilkar og salmane lune
nærleiken batt oss på kjærleg eit fang

Gleda i livet ho skjenka oss grøne
ròtskapen aldri fann levande kår
Nei, Develen tek oss nok aldri til søne`
vørdnaden speglar i augene klår

Tapet av besta gav skjelvande kvaler
hausten brast tidleg då klokkene slo
Minnene lyser på bilda i Fjaler`
levande kjærleik av salige ro

Tekst og foto 
G.Skaar

Minner om kjærleik


Frå blømande havet du blunkar til meg
Med smil kring om munnen eg vinkar til deg
No pirrar du attrå av eggande lyst
som tenner ein flamme i kvelden so tyst

Du vakkert meg skodar med eggande blikk
Med blonder kring bringa som magen min stikk
Og flagrande silke som tergar mitt sinn
Du yndige fagre som vitet mitt vinn


Eit lass ut av roser du strør i mitt fang
til suset av kvelden med havet sin sang
Eg undrast so audmjuk på kvar er ditt bu
som strålar slik kjærleik som einaste du

Min dag er no omme eg lengjer til natt
Eg gøymer i hjarta min dyrbare skatt
som vaknar av mørke når natt går mot dag
med minner om kjærleik vi hadde i lag

Tekst og foto 
G.Skaar

Støv av tanke


Eg stundar til å bli eit fjell
som Peter - klippen
Trygg i trua på kjærleik av draumar
Som syn til himmelvid blåne i dagning

Eg stundar til å bli eit fjell
som Peter - klippen
Fast i lengten til barmfagre vårar
Som tørst av fossefall friske av renning

Eg stundar til å bli eit fjell
som Peter - klippen
Støpt av tida til fargen av haustar
I seng med rypelyng raude av elde

Eg stundar til å bli eit fjell
som Peter - klippen
Djerv av dagar mot kvitkledde vintrar
I blåst av oskestøv reine av tanke

Tekst og foto
G.Skaar

Salige vener


Salige vener eg ære
Stilla du mektige bror
Minnene vakar so nære
Salmar or grav og til jord

Grasstråa visne på heia
Krossane kalde på stein
Stille ligg landet og leia
Kvelden so fredeleg rein

Fjellvinden pustar sin viten
Hjarta mitt hamrar i bryst
Kjære min ven eg er sliten
Vandra eg vil til min kyst

Tekst og foto 
G.Skaar

Lucifer`s smell


Dino my friend
keeps shiver in fright
His hunger has left
with God in the night
Cause no one did tell 
of Lucifer`s smell
That was in the hand
of God in this land

A skeleton bend
with loss of his might
From hatred and theft
of kingdom and light
In sorrow I yell
to man in his hell
Let love be your brand
from head in the sand

Tekst og foto
G.Skaar


Mister Integritet 2018


Eg vil skrive til den naive, - den blåøygde, ærlege, små
Som lever sitt liv heilt i live, utan tankar for dagen derpå
Som ler, - og som grin
Som blunkar til alle
Som dansar på line
Utan frykt for å falle

Eg vil kviskre eit Vivre! til den vare,
som umerkande går meg forbi
Ho kjem aldri med vondord om andre,
fordi ho - vel, berre fordi
Det siste ho ville
Var å såre ein venn
Og - ganske stille - 
Let ho dører igjen

Eg vil trøyste og stelle den såra, som strevar med å forstå
At verda vår er ein jungel, der den sterkastes rett lyt få rå
Reis deg å stå!
Du er god som du er!
Treng du hjelp til å gå 
Skal du finne ho her

I harme rettar eg pennen,
mot han som er kynisk og kald
Som kalkulerande kviskrar og trugar, 
og planlegg sin medmann sitt fall
Som foraktar det svake
og ler av det vare
Som dyrkar det digre
Som myrdar det tandre
frå sitt Adlerreir av is
Som aldri ser seg tilbake
Som let godheita fare
Som let det lægste sigre
Som trakkar ned andre
på realistens grimme vis

Mitt selskap skal vere dei vare, 
- dei leande barn av i dag
Som ynskjer meg vèl, og vel aldri, 
vil drøyme om svik og bedrag
Min avsmak for orm skal eg skjule
og døming er ikkje mi sak
Eg kjenner dei stripete, gule
for baken blir alltid bak

Foto:Ukjend
Tekst:G.Skaar

Seglturen


Eg drøymde meg bort i ei reise so lang
at havet det lokka med sjømannens sang
Mi skute var vakker og Free var mitt namn
so hjarta det banka frå hav og til hamn

Eg møtte på ferda so mangt av eit folk
og aldri eg sakna ein kvan som min tolk
 Av auger det lyste av varmande sjarm
og alltid var nevar so faste og varm

Som konge eg segla til land etter land
og dansa med folka på strand etter strand
Eg lærte meg songar eg aldri forstod
men kva gjorde det når vi dansa og lo

Ja alle kan ta seg ein tur hit ombord
og synge min song i frå sør og til nord
For hender og auge er nett likedan
frå Dale til Playa og aust osean

Eg vakna av draumen på høgaste flo
og kjenslene strøymde av tankane go`
Mi reise var over, men draumane vann
for livet er dagar av kjærleiken sann

Tekst og foto 
G.Skaar


Tårer av Tid


Der ligg ei øy
 ei aude ei
Ho kviler einsam i det blå
 som tankar i stilla
 Taus
Ho andar stormar og flatt hav
Gret tårer av tid
Sett dauen i auga
Gamal og grå er ho ved god helse

Tekst og foto
G.Skaar

Hjartegod flyktning


Dagslyset spaknar og mørket sig på
dagen var slagsmål med troll
Turar i natta eg søkjer til då
vindspel i dur og i moll

Trollskap og hekser i lammande spel
mørket brenn frykta i hand
Faenskap steikjer i dødsrikets hel
vandrar vi fridomens land

Vide er vegar i bekmørke natt
stjernene lyser vår sti
 Hjartegod flyktning min livsgode skatt 
kjærleik skal stråla deg fri

Tekst og foto 
G.Skaar 

Lækjande hender


Haustkvelden tindrar eit tankefullt land
 bildet frå trappa meg gyllar
Fingrar eg sansar frå annan manns hand
 fredfulle Eden eg hyllar

Solstrålar speglar mi rynkute hud
sølvskip på havyta tindrar
Nærare sansar eg aldri min Gud
hender i vesterveg lindrar

Livsknaggar brotnar i genius kor
vandre gjer alle eg aktar 
Minnene lever i moder av jord
andeleg æve meg vaktar

Tekst og foto
G.Skaar

Sola og jenta


Frå stova eg skodar ei haustsol i kveld
ho fyller min tanke med under
Og fager eg jenta i armkroken held
ho deler meg varmande stunder

I stilla ligg orda som sommaren gav
av minner frå dagane gådde
Dei herlege stunder eg sansar i hav
ein fridom som tankane sådde

Ja, livet er haustmørke vintrar og vår
ei jente i handa mi smiler
Og kanskje er grodagar nett kva du får
når sola og jenta di kviler

Tekst og foto
G.Skaar